Ceurik Calon Santri

Ema, geuning pasantren teh seueur

aya pasantren tradisional

aya pasantren moderen

ari abdi kedah kamana ?

payus kitu abdi janten santri modern ?, atanapi sapertos ema wae janten santri tradisional ?

Ema, geuning seueur pasantren teh ?

aya pasantren Nahdatul Ulama

aya pasantren Muhamadiyah

aya pasantren Persis

ari abdi kedah kamana ?

apan saur ema : “hidep kudu jadi santri anu leuwih soleh ti ema, leuwih jembar ti ema, leuwih nyaho legana pamahaman-pamahaman para warisatul anbiya”

payus kitu abdi janten santri model kitu?

Ema geuning pasantren teh seueur

saur Bah Ahim merebot masjid almunawaroh mah aya lima

aya pasantren nu djieun jeung diasuh ku Ulama

aya pasantren nu dijieun jeung diurus ku ormas

aya pasantren nu dijieun jeung diurus ku parpol

aya pasantren nu dijieun jeung diurus ku muzaki

aya pasantren nu dijieun jeung diurus ku agniya

ari abdi ema payusna masantren dimana?, atanapi sapertos ema wae nyorog ka Bah Ahim na teras masjid?

Ema abdi kedah masantren kamana ?

Facebook
Twitter
WhatsApp
Email

Leave a Reply