Taraje hate nu nangtung di buruan
Iwungna mimiti rek asin
Lantaran adat,
Udagan angger ukur ucang-ucangan.
Panyanateh geus nepi
Umbul-umbul ge asa geus rek katoel
Lilinggeuran
Umur
Horeng paaing-aing.
Taraje hate nu nangtung di buruan
Awina tamiang nu sok meulit bitis
Hinisna teu weleh ngancam beuheung
Udagan mah
Nukamari nu ayeuna anggeur ngagojod dina simbut janari.
