Riungan ieu teh kitu ?
Embel-embel dapon kasebut hirup
Pupuh kidung “acining hurip”
Uteuk tongo walang taga
Beau ngaranjah acining aci
Lain,
Ieu mah ukur sugan nepi katungtung fitri
Kapalang nyangcang dina Tapak DampalNa.
Ieu oge enya riungan
Nu leutik nu gede, lalaki awewe
Daria
Ongkoh sieun teu akur jeung balarea
Najan hate ngagolak-golak
Eleh deet, sidakep bari balem
Seuneumah anggeur ngelun,
Impianna masih anu kamari
Apan bohakna ge can nepi kana tungtung jantung.
