Ambet :
Pakean orokj, pamungkus beuteung, sok disebut oge gurita.
Angkin :
Beubeur tina kaen, panjangna 5-7 meter sarta rubakna antara 25-30 cm, oge sok dipake bebengkung
Apok :
Pakean pikeun nutupan beuteung nepi ka wates pingping, wanguna satengah buledan, sok dipapaes ku payet jeung mute, sarta biasana dipake kunu ngibing.
Baju kurung :
Baju panjang pikeun lalaki nu teu make sambleh.
Baju Sikepan :
Baju dines jaman baheula
Baju takwa :
Baju bedahan anu sok dipake dina upacara adat atawa acara resmi.
Ban :
Kaen anu nyambungkeun sisi-sisi kabaya lebah dada, biasana dipegeuhan ku panitih atawa kancing cetet.
Batik :
Jenis kaen anu make gambar, tutulisan atawa cap anu mandiri. Batik biasana sok dipake samping kebat atawa iket. Kabehdieunakeun sok dipake baju jeujg calana.
Batis :
Kaen ipis nu sok dipake pikeun puring (panglapis bagean jero)
Bebengkung :
Beubeur panjang tina kaen nu sok dipake pikeun meungkeut beuteung nu kakara ngalahirkeun.
Bedahan :
Baju lalaki anu dijieun tina wol pikeun acara acara resmi. Bedahan osok oge disebut jas, sarta sok dipake sasetel jeung pantalon
Bedahan Sisi :
Bedahan anu make saku diluhur sarta kancingna dipasang di beh kenca
Bedaha tengah :
Bedaha anu make tilu saku sarta kancingna dipasang ditengah tur make kerah nangtung.
Bendo :
Iket anu dicitak, bahana batik pakeeun lalaki, sok disebut oge udeng.
Benten :
Beubeur tina emas, perak, suasa atawa logam sejen nu disambung-sambungkeun, sok disebut oge pending. Benten tina kaen disebut stagen.
Berego :
Samodel cadar anu dijieun tina kaen atawa untunan benang, dipake ku awewe.
Beubeur :
Pameungkeut dina cangkeng, sok disebut oge sabuk.
Blus :
Baju awewe samodel kameja anu teu make kancing.
